“විරාමයකින්” පසුව ඊශ්‍රායලය නැවත ප්‍රහාර එල්ල කිරීමට සැරසෙද් දී, “ගාසා තීරයේ මානුෂීය ව්‍යසනය ඉතා නරක අතට හැරෙමින් තිබේ” යයි එ.ජා අනතුරු අඟවයි

ඇන්ඩෘ ඩැමන් විසිනි

මෙහි පලවන්නේ ලෝක සමාජවාදී වෙබ් අඩවියේ 2023 නොවැම්බර් 28 දින පල වූ ‘UN warns “humanitarian catastrophe in Gaza is getting worse” as Israel plans to resume onslaught after “pause”’ යන  ඇන්ඩෘ ඩැමන් විසින් ලියන ලද ඉදිරිදර්ශන ලිපියේ සිංහල පරිවර්තනය යි. පරිවර්තනය  මිගාර මල්වත්ත විසිනි.

Massacare
2023 නොවැම්බර් 22, බදාදා, දකුනු ගාසා තීරයේ ඛාන් යූනිස් නගරයේ සමූහ මිනීවලක මිහිදන් කිරීමට පෙර , ෂිෆා රෝහලෙන් ගෙන ආ ඊශ්‍රායල බෝම්බ ප්‍රහාරයෙන් මියගිය පුද්ගලයින්ගේ සිරුරු වෙනුවෙන් පලස්තීනුවන් යාඥා කරති. (AP Photo/Mohammed Dahman)

වටලනු ලැබූ මිලියන 2.2 ජනතාවක් සිටින ප්‍රදේශය විදුලිය, ආහාර හෝ ජලය නොමැතිව පවතින බැවින්,  “ගාසා තීරයේ මානුෂීය ව්‍යසනය දිනෙන් දින නරක අතට හැරෙමින් තිබෙන ” බව  එක්සත් ජාතීන්ගේ මහලේකම් ඇන්ටෝනියෝ ගුටරෙස් සඳුදා පැවසුවේය. ඊශ්‍රායලය එහි ප්‍රහාරයේ – තවත් දින දෙකකට දීර්ඝ කෙරෙන බව වාර්තා වෙන -දින හතරක “විරාමය”, ඊටත් වඩා කුරිරු ප්‍රහාරයක් දකුනු ගාසා තීරයට දීම සඳහා සූදානම් වීමට  භාවිතා කරයි.

ඔබට දින කිහිපයක් තිබේ. අපි නැවත සටනට යන විට, අපි එම බලයම සහ ඊට වැඩිමනත්  යොදන්නෙමු … අපි මුලු [ගාසා] තීරය හරහා සටන් කරන්නෙමු,” CNN  පුවත් සේවයට අනුව, සදුදා, ඊශ්‍රායල ආරක්ෂක අමාත්‍ය යොආව් ගැලන්ට් සොල්දාදුවන්ට පැවසුවේය.

සඳුදා, ගාසා රජයේ මාධ්‍ය කාර්යාලය වාර්තා කලේ, සටන්වල ​​”විරාමය” අතරතුර ,සුන්බුන් යට වැලලී ගොස් තිබීමෙන්,  පසුව සොයා ගත්   දුසිම් ගනනක් මිනිසුන්ගේ සිරුරු සමග සමූල ජන ඝාතනයේ මරන සංඛ්‍යාව 15,000 දක්වා ඉහල ගොස් ඇති බවයි. මියගිය සංඛ්‍යාවට ලමුන් 6,160 ක් සහ කාන්තාවන් 4,000 ක් ඇතුලත් වන අතර තවත් 33,000 ක් තුවාල ලබා ඇත. මීට අමතරව, තවත් 7,000ක් තවමත් අතුරුදහන් වී ඇත – බොහෝ විට කඩා වැටුනු ගොඩනැගිලි යට වැලලී ඇති  – ලමුන් 4,700 ද ඇතුලුව , අතුරුදන් වූවන් මිය ගිය පිරිසට එකතු කිරීම , ලමුන් 10,860 ක් ඇතුලුව මරන සංඛ්‍යාව 22,000 දක්වා ඉහලට ගෙන එයි.

රජයේ මාධ්‍ය කාර්යාලය වාර්තා කලේ ඊශ්‍රායල ප්‍රහාරය ආරම්භයේ සිට වෛද්‍යවරුන්, හෙදියන් සහ අනෙකුත් සෞඛ්‍ය සේවකයින් 207 දෙනෙකු ඝාතනය කර ඇති බවයි.මෙම කාලය තුල මාධ්‍යවේදීන් 70 දෙනෙකු ඝාතනය කර ඇති අතර, ඉන් 67 සම්පූර්නයෙන්ම සේවයෙන් ඉවත් කරමින් පාසල් 266 ක් විනාශ කර ඇත. 

Gaza
හමාස් සහ ඊශ්‍රායලය අතර තාවකාලික සටන් විරාමයේ සිව්වන දිනයේ, 2023 නොවැම්බර් 27 සඳුදා, පලස්තීනුවන් ගාසා නගරයේ පලතුරු විකුනයි. [AP ඡායාරූපය/මොහොමඩ් හජ්ජර්]

එක්සත් ජාතීන්ගේ සංවිධානය සඳහන් කලේ “ගාසා තීරයේ මිලියන 1.8කට අධික ජනතාවක් හෙවත් ජනගහනයෙන් 80%කට ආසන්න සංඛ්‍යාවක් අභ්‍යන්තරව අවතැන්ව සිටින බවට ගනන් බලා ඇති” බවයි. “ගාසා තීරය පුරා නිවාස ඒකක 234,000කට වඩා හානි වී ඇති අතර , එය මුලු නිවාස තොගයෙන් 60%කට වඩා වැඩි ප්‍රමානයක් බවත්, නිවාස 46,000කට වඩා සම්පූර්නයෙන්ම විනාශ වී ඇති ” බව ෂෙල්ට ක්ලස්ට (Shelter Cluster ) වාර්තාවක විශ්මය දනවන සංඛ්‍යාලේඛනයක සඳහන් වේ. “ගාසා තීරයේ නිවාස සහ සිවිල් යටිතල පහසුකම්වලට එල්ල කරන ප්‍රහාරවල ව්‍යසනකාරී බලපෑම ආමන්ත්‍රනය කිරීමට දින කිහිපයක විරාමයක් ප්‍රමානවත් නොවේ. ජීවිත හානි හා දේපල විනාශයන් අතිමහත්ය. නේවාසික ප්‍රදේශ, නිවාස සහ සිවිල් යටිතල පහසුකම් ආරක්ෂා කල යුතු” බව වාර්තාව වැඩිදුරටත් පවසයි. 

එහි වැඩිදුරටත් මෙසේ සඳහන් වේ:

ගාසා නගරයේ සහ උතුරු ගාසා තීරයේ, විස්තීර්න බෝම්බ හෙලීම හේතුවෙන් සියලුම ගොඩනැගිලිවලින් 50% කට වඩා හානි සිදුවී ඇති අතර, මාර්ග සහ බලශක්ති පද්ධති සහ බෙදාහැරීමේ ජාල, ජල ගබඩා ටැංකි, පයිප්ප, සැපයුම් ජාල සහ ජලාපවහන මාර්ග වැනි අත්‍යවශ්‍ය යටිතල පහසුකම්වලට පුලුල් ලෙස හානි සිදුවී ඇත. ප්‍රහාර වල සමුච්චිත බලපෑම, ජීවිතය පවත්වා ගැනීම සඳහා මූලික අවශ්‍යතා සපුරාලීමේ හැකියාව ඉටු කරන ක්‍රියාකාරී සේවා සහ යටිතල පහසුකම් වෙත ප්‍රවේශ වීම ප්‍රබල ලෙස වලක්වයි.”

ඊශ්‍රායල නිලධාරීන් සිදුකරමින් සිටින්නේ ඔවුන්ගේ ජන සංහාරක වාචාලකම තීව්‍ර කිරීම පමනි. සඳුදා, ඊශ්‍රායල අගමැති බෙන්ජමින් නෙතන්යාහු, පලස්තීනුවන්ට එරෙහි ඔහුගේ ප්‍රහාරය ප්‍රවර්ධනය කිරීම සඳහා ලොව ධනවත්ම මිනිසා සහ වර්ගවාදයේ සහ යුදෙව් විරෝධීවාදයේ කුප්‍රකට යෝජකයෙකු වන එලොන් මස්ක්ට සත්කාරකත්වය ලබා දුන්නේය. 

සාමාන්‍ය ජනතාව ඝාතනය කිරීමට බල කරන අය මරා දැමීම හැර වෙනත් විකල්පයක් නැත. තෝරා ගැන්මට දෙයක් නැත. ඔවුන් ඔවුන්ගේ අදහස වෙනස් කරන්නේ නැත, ” මස්ක් සංචාරය අතරතුර පැවසීය.

මස්ක්ගේ සංචාරය ඊශ්‍රායලය තුල පවා පුලුල්ව හෙලා දකින ලදී. ඊශ්‍රායල හාරෙට්ස් පුවත්පත් හි ප්‍රධාන කර්තෘ එස්තර් සොලමන්, “කුප්‍රකට යුදෙව් විරෝධීයා සහ යුදෙව් විරෝධී ප්‍රකාශක එලොන් මස්ක්, ඊශ්‍රායලයට වැද්ද ගැනීම නොකල  යුතු ” ලෙස ලිවීය. “ඒ වෙනුවට, නෙතන්යාහු – නිරාචාරවත්, ස්වාර්ථකාමී ස්තෝත්‍ර ගායනයේ නව ගැඹුරක කිමිදෙමින් – ඔහුට හමාස් විසින් විනාශ කරන ලද කිබුට්සිම් වෙත මහජන සම්බන්ධතා ප්‍රවර්දන සංචාරයක් ලබා දෙයි. මොවුන් දෙදෙනාම ධර්මඥානයක් නැති, මිලට ගත හැකි කර්කෂයන් වේ.”

සංචාරයට පෙර, මස්ක් ප්‍රසිද්ධියේ “මහා ප්‍රතිස්ථාපන න්‍යාය” (great replacement theory) වෙනුවෙන් පෙනී සිටින ට්විටර් සටහනක් අනුමත කලේය, එය ප්‍රකාශ කලේ “මිනිසුන් ඔවුන්ට එරෙහිව භාවිතා කිරීම නැවැත්වීමට අවශ්‍ය යැයි කියා සිටින, එවැනිම ආකාරයේ දයලෙක්තික වෛරයක්, යුදෙව් ප්‍රජාවන් විසින් සුදු ජාතිකයින්ට එරෙහිව  ඉදිරියට දමමින් සිට ඇති බවයි”.

“විරාමය” අදාල වන්නේ ගාසා තීරයට පමනි. බටහිර ඉවුරේ ඊශ්‍රායල හමුදාව සහ අන්ත දක්ෂිනාංශික පදිංචිකරුවන් පලස්තීනුවන්ට එරෙහි ප්‍රහාර දිගටම කරගෙන යති. ඔක්තෝබර් 7 වැනිදා සිට බටහිර ඉවුරේ ලමුන් 59 දෙනෙකු ඇතුලුව පලස්තීනුවන් 231ක් පමන මරා දමා ඇත.

පලස්තීන සෞඛ්‍ය අමාත්‍යාංශයේ ප්‍රකාශක අෂ්රෆ් අල්-කුද්‍රා , අල් ජසීරා සමඟ සම්මුඛ සාකච්ඡාවකට එක්වෙමින් සඳහන් කලේ ගාසා තීරයට එල්ල කරන ලද ඊශ්‍රායල ප්‍රහාරවලදී ගිලන්රථ 60 කට වැඩි ප්‍රමානයක් සහ සෞඛ්‍ය මධ්‍යස්ථාන 160 කට වැඩි ප්‍රමානයක් විනාශ වී ඇති බවයි. “ආක්‍රමනයේ පලමු දිනයේ දී, වෛද්‍ය සැපයුම්, ඉන්ධන සහ විදුලිය කපා හැර  සෞඛ්‍ය පද්ධතියේ ගෙල සිර කිරීමෙන් පසු ඊශ්‍රායල හමුදා විසින් සිදු කරන ලද සෘජු ඉලක්කගත මෙහෙයුමකට අප භාජනය කෙරුනි,” ඔහු පැවසීය.

බයිඩන් පරිපාලනය, මේ අතර, ගාසා තීරයට එරෙහි ඊශ්‍රායල ප්‍රහාරය යලි ඇරඹීමෙන් පසු ඇතිවන දේශපාලන ප්‍රථිපල ඳහා සූදානම් වෙමින් සිටී. “ධවල මන්දිරය ඊශ්‍රායල-ගාසා තීරය මත  අභ්‍යන්තර බෙදීම් සමඟ පොරබදයි” යන මාතෘකාවෙන් යුත් ලිපියක වොෂින්ටන් පෝස්ට් පහත දැක්වෙන ගොරහැඩි පිලිගැනීමෙන් එය අවසන් කරයි: “තවමත්, බයිඩන් ගේ නිලධාරීන් වඩ වඩාත් කරදරකාරී අසීරුතාවයක සිටී. ‘ඔවුන්ට ඇති ප්‍රශ්නය, එනම් පලමු දිනයේ සිටම ඔවුන්ට ඇති ප්‍රශ්නය, ඊශ්‍රායලයින්ට ‘තමන්ට කිරීමට අවශ්‍ය දේ කිරීමට, බොහෝ පලස්තීනුවන්ට හානි නොපමුනුවන, ඝාතනය නොකරන සහ ගාසා තීරයෙන් පලවා නොදමන උපාය මාර්ගයක් නොමැති වීම,’ යැයි එක් බාහිර උපදේශකයෙක් පැවසීය. ‘ඔවුන් දකුනට බැස ඒ දේම කල යුතුයි. දකුනේ මිලියන 2කට වැඩි ජනතාවක් සමඟ යමෙක් එය කරන්නේ කෙසේදැයි මම නොදනිමි.’ “

ඇත්ත වශයෙන්ම, මෙය “ගැටලුවක්” වන්නේ මහජන සම්බන්ධතා ආස්ථානයෙන් පමනි. ඊශ්‍රායල නිලධාරීන් තමන් ගාසා තීරයේ ජනගහනය ඝාතනය කිරීම හෝ ඔවුන්ගේ භූමියෙන් නෙරපා හැරීමට උත්සාහ කරන බව පැහැදිලි කර ඇති අතර, ඊශ්‍රායල හමුදාවට සමූහ ඝාතනය කිරීමට අවසර දී ඇති සිවිල් වැසියන් සංඛ්‍යාව පිලිබඳ “රතු ඉරි” නොමැති බව ධවල මන්දිරය නැවත නැවතත් අවධාරනය කර ඇත.

මෙම ලිපිය උපුටා ගන්නා ලද්දේ thescoilaist’. වෙබ් අඩවියෙන්ය.

  

Leave a Reply

Your email address will not be published. Required fields are marked *

You may missed