චිනයේ ච්න්ට් (CHINT) වෙළද නාමය භාවිතා කළා යැයි තහනම් නියෝගයක්
ච්න්ට් (CHINT) වෙළඳ නාමය යොදාගනිමින් විදුලි උපාංග නිෂ්පාදනය, බෙදා හැරීම හා විකිණීම තහනමට ලක්කරමින් කොල්ලුපිටියේ පිහිටි chint power solution සමාගමට අතුරු තහනම් නියෝගයක් කොළඹ වාණිජ මහාධිකරණ විනිසුරු ප්‍රදීප් හෙට්ටිආරච්චි මහතා නිකුත් කළේය.
චීනයේ chint group corporation හා CHINT ඉලෙක්ට්‍රික් සමාගම පැවරූ බුද්ධිමය දේපල නඩුවක් සලකා බැලීමෙන් පසුව වාණිජ මහාධිකරණය මෙම අතුරු තහනම නිකුත් කළේය . CHINT විදුලි උපාංග චීන චීනයෙන් ආනයනය කර මෙරට බෙදාහරින කොළඹ 3 ගාලු පාරේ chint power sulution ප්‍රයිවට් ලිමිටඩ් ආයතනය හා Chint Power Solutions (Pvt) Ltd සමාගමට සහ එහි සභාපති සහ කළමනාකාර අධ්‍යක්ෂ සිවපාදම් රකුලන් මහතා විත්තිකරුවන් කරමින් මෙම නඩුව පවරා තිබිණි .
විත්තිකරුවන්ට ජුනි මස 16 වැනි දින අධිකරණය හමුවේ කරුණු දක්වන ලෙස ද විනිසුරුවරයා නියෝග කළේය . ගෝලීය වශයෙන් කීර්තිමත් සන්නාමයක් වන චීනයේ ‘CHINT’ විදුලි උපකරණ තොග වශයෙන් බෙදාහැරීමේ ආයතනය ලෙස කොළඹ Chint Power Solutions (Pvt) Ltd කටයුතු කළ බවත් විත්තිකාර ආයතනය බුද්ධිමය දේපල පනත උල්ලංඝනය කරමින් අයුතු ආර්ථික වාසි ලබාගැනීම සඳහා පැමිණිලිකාර සමාගම සමාගමේ වෙළඳ සලකුණට සමාන විදුලි උපාංග බෙදා හරිමින් සිටින බවත් එම ක්‍රියාවලිය තහනම් කරන ලෙසත් පැමිණිල්ල වෙනුවෙන් පෙනී සිටි නීතිඥ මනෝජ් බණ්ඩාර මහතා අධිකරණයට කරුණු දක්වමින් ඉල්ලා සිටියේය .
1984 දී ආරම්භ කරන ලද, CHINT Group Corporation ආයතනය ස්මාර්ට් බලශක්ති තාක්ෂණය සහ උපකරණවල විශාලතම සංවර්ධකයින්, නිෂ්පාදකයින් සහ සැපයුම්කරුවන් බවත් රටවල් 140කට අධික ව්‍යාපාරික ජාලයක් සමඟින්, CHINT සන්නාමයආසියාවේ විශාලතම අඩු වෝල්ටීයතා විදුලි නිෂ්පාදන සැපයුම්කරු බවත් නීතිඥවරයා අධිකරණයට කරුණු ඉදිරිපත් කළේය .
CHINT සන්නාමය වසර 15ක් තිස්සේ ශ්‍රී ලාංකේය වෙළඳපොලේ පවතින අතර, විශේෂයෙන්ම CHINT සන්නාමගත පරිපථ කඩන යන්ත්‍ර, ඉන්වර්ටර්, රේල් මීටර, සර්ජ් අරෙස්ටර සහ ධාරිත්‍රක ඇතුළු එහි අඩු වෝල්ටීයතා විද්‍යුත් නිෂ්පාදන වන අතර ඉහළ ගුණාත්මක බව නිසා ශක්තිමත් පාරිභෝගික පදනමක් ලබාගෙන ඇති බවද පැවසීය . CHINT නිෂ්පාදනවල වටිනාකම. උල්ලංඝනය කරන පාර්ශ්වයක් වන Chint Power Solutions (Pvt) Ltd, මුලින් ශ්‍රී ලංකාවේ CHINT සමූහ ව්‍යාපාරයේ බෙදා හැරීමේ නියෝජිතයෙකු ලෙස පත් කරන ලද අතර, CHINT සන්නාමය සහිත විදුලි ස්විච් සහ සොකට් ශ්‍රී ලංකාවට ආනයනය කර බෙදා හරිමින් සිටියේය.
කෙසේ වෙතත්, මෙම කාල පරිච්ෙඡ්දය තුළ, විත්තිකාර පාර්ශ්වය පැමිණිලිකරුවන්, CHINT සමූහ ව්‍යාපාරයේ නිෂ්පාදනවලට නොමඟ යවන ආකාරයෙන් “CHINT POWER” යන ලකුණ සහිත විදුලි ස්විච් සහ සොකට් විකිණීමේ සහ අලෙවි කිරීමේ නිරත විය. පැමිණිලිකාර CHINT Group Corporation හි අනුදැනුම සහ අනුමැතියකින් තොරව, ශ්‍රී ලංකාවේ ජාතික බුද්ධිමය දේපළ කාර්යාලයේ 09 සහ 11 වගන්ති යටතේ “CHINT POWER” වෙළඳ ලකුණ රහසිගතව ලියාපදිංචි කර ඇත. . පැමිණිලිකරුවන්ගේ “CHINT” වෙළඳ ලකුණු ශ්‍රී ලංකාවේ ලියාපදිංචි වී නොමැති නිසාත් විත්තිකරුවන්ගේ යැයි කියනු ලබන ලියාපදිංචිය අවලංගු නොකර ලියාපදිංචි කළ නොහැකි නිසාත්, පැමිණිලිකරුවන් අසාධාරණ තරඟයක් යටතේ වාණිජ මහාධිකරණයට මෙම නඩුකරය ගොනු කළ අතර, එම ලියාපදිංචිය අවලංගු කිරීමට සහන පැමිණිලිකරුවන් ඉල්ලා සිටියේය.පැමිණිල්ලේ කරුණු සලකා බැලූ මහාධිකරණ විනිසුරු ප්‍රදීප් හෙට්ටිආරච්චි මහතා , පැමිණිලිකාර සමාගමේ වෙළඳ සලකුණට සමාන වෙළඳ ලකුණු සහ එම පාර්ශ්ව සමඟ සහයෝගයෙන් කටයුතු කර ව්‍යාකූල ලෙස නිෂ්පාදන ලියාපදිංචි කිරීම සහ අලෙවි කිරීම “චින්ට් පවර්” යන සලකුණ භාවිතා කිරීම තහනම් කරමින් අතුරු නියෝගයක් නිකුත් කළේය.
CHINT සමූහ සංස්ථාව වෙනුවෙන් සුදත් පෙරේරා නීතිඥ සමාගමේ උපදෙස් පරිදි නීතිඥ මනෝජ් බණ්ඩාර, සහනීතිඥ තිවංක හෙට්ටිආරච්චි මහත්වරුන් අධිකරණයේ පෙනී සිටියේය .
