මොහොමඩ් සුහායිල්ගේ සිද්ධිය ධනපති නීතිය සම්බන්ධව සිදු කළ ලිට්මස් පරික්ෂාවක් !
සමාජ මාධ්‍ය ඔස්සේ ඊශ්‍රායෙල් කොඩිය පාගාගෙන සිටින විඩියෝවක් හුවමාරු කළා යැයි ත්‍රස්තවාදය වැළැක්වීමේ පනත යටතේ මාස 9කට අධික කාලයක් රක්ෂිත බන්ධනාගාරගත කර සිටි මොහොමඩ් රිෆයි සුහායිල් නමැති තරුණයාව ලක්ෂ දෙකක ශරීර ඇප දෙකාක් මත මුදා හැරීන්නැයි ගල්කිස්ස අතිරේක මහෙස්ත්‍රාත් හේමාලි හාල්පන්දෙණිය ඊයේ (15) නියෝග කළාය .
දෙහිවල පොලිසිය වෙනුවෙන් පෙනී සිටි නිලධාරීහු සොලිසිටර් ජනරාල් ජනාධිපති නීතිඥ විරාජ් දයාරත්නගේ අත්සනින් යුත් ලේඛනයක් අධිකරණයට ඉදිරිපත් කරමින් නීතිපතිවරයා මෙම සැකකරු ඇප මත මුදාහැරීමට උපදෙස් ලබා දී තිබෙන බවට ඊයේ දින නඩුව යළි විභාගයට ගත් අවස්ථාවේදී අධිකරණය හමුවේ පැවසුහ.
ඒ අනුව මහෙස්ත්‍රාත්වරිය සැකකාර තරුණයා රුපියල් ලක්ෂ පහ බැගින් වූ ශරීර ඇප දෙකක් මත මුදාහැරීමට නියෝග කළාය.
ජුලි 11 වනදා මෙම නඩුව කැදවු අවස්ථාවේ ත්රස්තවාදී පනත යටතේ මාස 09 කට අධික කාලයක් රක්ෂිත බන්ධනාගාරගත කර සිටි මොහොමඩ් සුහායිල් එම පනත යටතේ අපරාධමය වරදක් කර නොමැති බැවින් ඔහුව ඇප මත මුදාහරින්නැයි දෙහිවල ස්ථානාධිපති අනුුුුරාධ හේරත් මහේස්ත්‍රාත්වරියගෙන් ඉල්ලා සිටියේය. සැකකරු ත්රස්තවාදී වැළැක්වීමේ පනත යටතේ වරදක් කර ඇති බවට සාක්කි තමන් සතුව ඇතැයි පොලිසිය මින් පෙර අධිකරණයට කරනු වාර්තා කර ඇති බවත් මාස 09 කට පසු සැකකරු සම්බන්ධයෙන් ත්රස්තවාදී පනත යටතේ වරදක් කර ඇති බවට සාක්‍ෂී නැතැයි පවසන්නේ ඇයි දැයි මහේස්ත්‍රාත්වරයා දෙහිවල පොලිසියේ ස්ථානාධිපතිවරයගෙන් විමසා සිටියා .
සැකකාර තරුණයාට ත්‍රස්ත පනත යටතේ නඩු පැවරීමට කිසිදු සාක්කියක් නඩු පැවරීමට පෙර හෝ පසුත් සොයා ගැනීමට දෙහිවල පොලිසියට අසමත් වී ඇති තතු යටතේ එම තරුණයා ඇප මත මුදා හරින්නැයි දෙහිවල පොලිසියේ ස්ථානාධිපතිවරය අධිකරණයෙන් ඉල්ලා තිබියදී මොහොමඩ් සුහායිල්ව නිදොස් කොට නිදහස් කරනවා වෙනුවට නීතිපතිවරයා සැකකාර තරුණයාව ඇප මත මුදා හැරීමට උපදෙස් ලබා දුන්නේ ඇයි ද යන්න බරපතළ ගැටළුවක් මතු වෙයි. පැහැදිලි සාක්ෂියක් නොමැතිව සුහායිල්ව මාස 09 කට අධික කාලයක් රක්ෂිත බන්ධනාගාරගත කළ ජනාධිපති අනුර කුමාර ඔහුගේ මානව අයිතිවාසිකම් බරපතළ ලෙස උල්ලංඝණය කෙරිණ.
“ඒ අනුව මෙම අවස්ථාවේදී මෙම පළමු සැකකරු ත්‍රස්තවාදය වැළැක්වීමේ( තාවකාලික විධිවිධාන) පනත අදාළ වන තැනත්තෙකු බවට ප්‍රමානවත් කරුනු (සාක්ෂි) ඉදිරිපත් වී නොතිබීම සහ ඔහු විසින් එම පනත යටතේ වරදක් සිදු කර ඇති බව අනාවරණය නොවීමත් මත ඔහුව තවදුරටත් බන්ධනාගාරයේ තැබීම සදහා වන කිසිදු කරුණක් මා වෙත ඉදිරිපත් වී නොමැති බව පෙනී යයි. ඒ අනුව පළමු සැකකරු වන මුදලිගේ වසන්ත කුමාර යන අය මෙම නඩුවෙන් නිදහස් කිරීමට තිරණය කරමි”. යනුවෙන් කොළඹ ප්‍රධාන මහේස්ත්‍රාත් ප්‍රසන්න අල්විස් විසින් 2023 ජනවාරි 31 වනදා මුදලිගේ නිදහස් කරන්නැයි නියෝග කළේය.
මොහාමඩ් සුහායිල් ත්‍රස්තවාදය වැළැක්විමේ පනත අදාළ වන තැත්තෙකු බවට ප්‍රමානවත් කරුනු (සාක්ෂි) ඉදිපත් වි නොතිබීම පමනක් නොව ඔහු විසින් එම පනත යටතේ වරදක් සිදු කර ඇති බව අනාවරණය නොවිම පමනක් නොව පොලිසිය විසින් සුහායිල් ත්‍රස්ත පනත යටතේ අපරාධමය වරදක් කර නොමැති නිසා ඔහුට ඇප නියම කරන්නැයි ගල්කිස්ස අතිරේක මහේස්ත්‍රාත් හේමාලි හල්පන්දෙනිය ඉල්ල සිටියේය. මහේස්ත්‍රාත්වරිය සුහායිල්ට ඇප නියම කළේ නීතිපතිගේ උදෙස් අනුවය. නමුත් එවකට කොළඹ ප්‍රධාන මහේස්ත්‍රාත් ප්‍රසන්න අල්විස් මුදලිගේ නිදහස් කරන්න නියෝග කළේ ඔහුට එරෙහිව ප්‍රමානවත් සාක්ෂි ඉදිරිපත් නොවීම සහ ත්‍රස්ත පනත යටතේ වරදක් කර නොමැති බව පදනම් කරගෙනය.
මුදලිගේ නිදහස් කිරීමට එරෙහිව මහේස්ත්‍රාත් අල්විස්ට එරෙහිව රජයේ පැත්තෙන් විරෝධයක් පැනනැගුන ද මුදලිගේට මහජනයගෙන් පැවති සයෝගය හමුවේ එය යටපත් විය.
2020 දෙසැම්බර් 07 මහර බන්ධනාගාරයේ සිරකරුවන් 11 දෙනෙකු ඝාතන කර සිරකරුවන් 115 දෙනෙකුට තුවාල සිදු කළ අපරාධය සම්බන්ධයෙන් චුදිතයන් අත්අඩංගුවට ගෙන අධිකරණයට ඉදිපත් කරන්නැයි වැලිසර මහේස්ත්‍රාත් අධිකරණය නියෝග කර තිබියදීත් කේ .ඒ. ඉන්දික ප්‍රභාත් ඝාතනය කිරීම සම්බන්ධයෙන් දොන් ලක්ෂ්මන් අමරතුංග කොළඹගේ අත්අඩංගුවට ගෙන අධිකරණයට ඉදිරිපත් කරන්නැයි බලපිටිය අධිකරණය නියෝග කර තිබියද‍ීීීත් නීතිපති මැදිහත් වී එම නඩු දෙකම වසා තබන්නැයි උපදෙස් දෙන ලදී.
ඉන්දික ප්‍රභාත්ගේ ඝාතනය ආත්මාරක්ෂාවට වෙඩි තැබීමකින් සිදු වුවක් නොව චේතාන්විතව සිදු කළ මරණයක් බව වෛද්‍ය වාර්තාවෙන් සහ සාක්ෂි වලින් තහවුරු ඇති බැවින් මරණකරුට වෙඩි තැබු පොලිස් පරික්ෂක කොළඹගේ අත්අඩංගුවට ගෙන අධිකරණයට ඉදිරිපත් කරන්නැයි බලපිටිය මහේස්ත්‍රාත් ආර් .ඩි. ජානක නියෝග කර තිබියදි නීතිපතිවරයා එම නඩු වසා දමන්නැයි උපදෙස් දුණි. මහේස්ත්‍රාත් නීතිපති නියෝග නොතකා එම නඩුව ඉදිරියට ගෙන යෑමට උත්සහ කළ ද නීතිපති කාර්යාලයේ මැදිහත් විම මත එම උත්සාහය අඩපණ විය.
මාධ්‍යවේදී ලසන්ත වික්‍රමතුංග ඝාතන නඩුවේ සැකකරුවන් දෙදනෙකු නිදහස් කිිිිිරීමට නීතිපතිවරයා අධිකරණයට උපදෙස් ලබා දීම රටේ ආන්දොලනාත්මක සිද්ධියක් බවට පත් විය.
අපරාධමය නඩු දෙකක් වසා තැබීමට කටයුතු කළ නීතිපතිවරයා ත්‍රස්තවාදි පනත යටතේ රදවා තබා ගැනීමට කිසිදු සාක්ෂියක් නොමැති සුහායිල්ව ඇප මත මුදා හරින්නැයි උපදෙස් ලබා දීමෙන් නීතිපතිවරයා හිතාමතාම පොලිසියේ සහ ආරක්ෂක අංශ වල සමාජිකයින් විශේෂයෙන් රජයේ නිලධාරීන්ව ආරක්ෂා කිරීමට කටයුතු කර ඇත. මෙය ධනපති නීතිය සම්බන්ධයෙන් සිදු කළ ලිට්මස් පරික්ෂාවක් බදුය.
මාවනැල්ලේ සුහායිල්ව අත්අඩංගුවට ගන්නේ 2024 ඔක්තෝම්බර් 23 වනදාය. අනුර කුමාර ජනාධිපති ලෙස තේරී පත් වන්නේ 2024 සැප්තැම්බර් 23දාය. සුහායිල්ට සහ නිට්ටඹුවේ රුෂ්ඩි යන දෙදනාම ත්‍රස්ත පනත යටතේ රදවා තබා ගැනීමට ආරක්ෂ ඇමති ලෙස අත්සන් කර ඇත්තේ ජනාධිපති කුමාරයි. කිසිදු වග විභාගයකින් තොරව හෝ එම තරුණයන්ට පොලිසිය දමා ඇති චෝදනා වල සත්‍ය අසත්‍යතාවය පිළිබදව පතුලටම ගොස් සොය නොබලා පෙර හිටපු ජනාධිපතිවරු මෙන් රැදවුම් නියෝග වලට අත්සන් තබා ඇත. සුහායිල් සහ රුෂ්ඩි ඇතුළු 12 දෙනෙක් ත්‍රස්ත පනත යටතේ අත්අඩංගුවට ගෙන රදවාගෙන සිටින බවත් වාර්තා වේ.
ධනකුවේරයන් හා ඔවුන්ගේ දේපල ආරක්ෂා කිරීමට කැප වී සිටින ධනපති නීතිය ඉදිරියේ සියලුම දෙනා සමාන යන ප්‍රෝඩාව සුහායිල් සිද්ධිය සමග එළිමහනට කාන්දු වී ඇත. ධනපති ක්‍රමයේ අර්බුදයත් සමග දිනෙන් දින එම ක්‍රමය මිලේච්ජත්වය කරා ගමන් කරමින් සිටි. ධනපති නීතිය කම්කරු – පීඩිතයන්ට සේවය කරන්නේ නැත . කම්කරු පීඩිත ජනතාවට හා පාලක පන්තියන්ට නීතිය පමනක් නොව කිසිවක් සමානව පැවතිය නොහැකිය. යුක්තිය හා සාධාරණත්වය හා සමානතාවය දිනා ගත හැකි වන්නේ ධනේශ්වර සුරා කෑම වෙනුවෙන් නිර්මාණය කර ඇති නීති අහෝසි කිරීමෙන් පමණි.
ජායාරූපය අන්තර් ජාලයෙන් ගත්තකි.
